欧阳震华一出马，TVB即刻“咸鱼翻生”创高收视！

发表于讨论求助 2023-05-10 14:56:27

“依家仲有人睇TVB？”

“嗯，有欧阳震华嘅话，实会睇！”

欧阳震华向来系TVB福将，喺TVB收视咁低咪嘅时候，Bobby一出马，救视So easy！

前几日TVB终于播完《琅琊榜》，跟住搵嚟福将欧阳震华、胡定欣、罗兰、胡枫等主演嘅 《一屋老友记》接棒。

星期一首集出街，平均收视已经有25点，最高26点，足足高《琅琊榜》5点收视。福将果然系福将，欧阳震华一出马果然冇令大家失望，成功收复失地！

《一屋老友记》主要讲述父亲（刘江饰演）离世后留下遗书，希望感情疏离嘅四兄弟姊妹大哥宝欢（欧阳震华饰演）、二妹宝欣（滕丽名饰演）、三弟宝愉（张颖康饰演）及四弟宝怡张彦博可以同住，只要同住满9个月先可以将唐楼卖掉。期间「老友记」罗兰同胡枫先整蛊后帮助下，成功将四兄弟姊妹水沟油嘅关系改善。

阿咩发现《一屋老友记》故事有啲似36年前（1980年）嘅《执到宝》，该剧由刘克宣、冯淬帆与黄韵诗等主演，监制系甘国亮，编剧系王家卫与林奕华。

忠直仁厚嘅余可（“可伯”，刘克宣饰）本来系消防员，因退休而要全家迁出消防宿舍；临时租嘅西环旧唐楼，但半年后即会拆卸。可伯长子“阿哥”（冯淬帆饰）同尖酸刻薄嘅妻子琴（黄韵诗饰）因新屋暂时未能入伙，逐暂时与可伯同住；可伯女儿“阿丽”（欧阳佩珊饰）因与丈夫“阿超”（林子祥饰）吵架，搬回与可伯同住；仲有可伯幼子“阿仔”（甘国亮饰）一齐同住。点知唐楼原来住有四只古怪鬼魂，时不时上各人身整古作怪；可伯为保儿女平安，要与鬼魂周旋到底……（via.

喺《一屋老友记》开场交代饰演老窦嘅刘江煮咗一大桌饭菜等仔女返屋企庆祝生日，众人齐失约。呢个画面熟口熟面，似十足早前网络疯传嘅德国催泪广告，老窦等仔女返屋企食饭嘅一幕。唔少网友大赞刘江演得好，睇到眼湿湿。